Lindja e Mesme, Borrell bën thirrje për armëpushim të menjëhershëm në Liban
Kreu i diplomacisë evropiane, Josep Borrell, përsëriti thirrjen e tij për armëpushim të menjëhershëm në Liban, duke i përshkruar si të papranueshme sulmet e përsëritura nga ushtria izraelite kundër forcave të OKB-së të dislokuara në Libanin jugor, (Finul).
“Bashkimi Evropian bën thirrje për një armëpushim të menjëhershëm në të dy anët e Linjës Blu”, zona neutrale 120 kilometra e gjatë midis vijës kufitare të Libanit jugor dhe vijës kufitare të Izraelit verior, tha Josep Borrell në samitin e BE-së me 43 anëtarë për Mesdheun në Barcelonë.
“Bashkimi Evropian gjithashtu bën thirrje për zbatimin e vendimeve të Këshillit të Sigurimit të Kombeve të Bashkuara”, tha ai, duke përsëritur se “sulmet e Forcave të Mbrojtjes izraelite kundër infrastrukturës dhe personelit të Finul janë të papranueshme”.
???? Follow: Opening remarks by HR/VP @JosepBorrellF at the Union for the Mediterranean Regional in Barcelona, Spain.
#UfMRegForum https://t.co/esTSHD6xjy— European External Action Service – EEAS ???????? (@eu_eeas) October 28, 2024
Linja Blu u tërhoq nga OKB-ja në vitin 2000 përpara tërheqjes së forcave izraelite nga Libani. Rezoluta 1701 e OKB-së, e cila i dha fund luftës së vitit 2006 midis Izraelit dhe Hezbollahut, parashikon respektimin e rreptë të saj nga palët ndërluftuese.
Finul përbëhet nga 9500 ushtarë. Që nga hapja e frontit libanez kundër Izraelit nga Hezbollahu në tetor 2023, punonjësit e jakëbluve e kanë gjetur shpesh veten në konflikt. Finul akuzoi kohët e fundit ushtrinë izraelite se synonte qëllimisht pozicionet e saj./vizionplus.tv
