Apeli për Krimet e Rënda nuk ndryshon masën e sigurisë për Dash Kupën, njërin prej të arrestuarve në kuadër të operacionit “patrioti”. Ai akuzohet për grabitjen e 3.2 milionë dollarëve, ngjarje e ndodhur në rrugën e Rinasit me 9 shkurt. Gjykata vendosi te lërë në masën e arrestit me burg Dash Kupën, i cili u arrestua më 23 shkurt të 2017. 41-vjeçari me banim në Tiranë u arrestua në pikën kufitare të Morinës. Ai akuzohet për vjedhje me armë në kuadër të grupit të strukturuar kriminal.
