Ligji për ekstradimet në Kinë, mijëra protestues bllokojnë rrugët në Hong Kong

Mijëra protestues kanë pushtuar rrugët e Hong Kong-ut për të tretën ditë rresht duke kunërshtuar projektligjin që do të lejonte ekstradimet në territorin e Kinës.

Protestuesit, një pjesë e të cilëve të veshur me helmeta e me maska, bllokuan rrugët rreth ndërtesave qeveritare duke shkaktuar edhe trazira.

Policia gjatë trazirave, u përgjigj me llak piperi me qëllim që të shpërndante turmën.

Pavarësisht protestës së gjerë, qeveria ka bërë me dije se do të vazhdojë të nxisë ekstradimin.

Votimi përfundimtar pritet të bëhet më 20 qershor me LegCo që pritet të kalojë projektligjin.