Lezhë/ Mbyllet pavioni i ortopedisë, vendimi pasi një paciente rezultoi me COVID-19

Është mbyllur këtë të enjte Pavioni i Ortopedisë në Spitalin e Lezhës.

Vendimi është marrë pasi një paciente që ishte e shtruar aty, ka rezultuar pozitive me virusin COVID-19.

Ndërkohë i gjithë stafi mjekësor si dhe ai sanitar, pas konfirmimit të rastit, është vetëizoluar në banesa për shkak se kanë pasur kontakte me pacienten.

Pak ditë më parë në këtë qytet u mbyll edhe një qendër shëndetësore pasi një infermiere rezultoi pozitve me koronavirusin.