Dy persona u arrestuan nga Policia e Lezhës gjate operacionit te koduar Piktori. Në pranga ranë Mark Gjinaj 52 vjeç banues në Kurbin dhe Fatmir Braha 45-vjeç nga Durrësi. Operacioni u zhvillua mbrëmjen e se shtunës, kur gjatë kontrollit në banesën e Mark Gjinajt u gjet një laborator, i cili dyshohet se është përdorur për prodhimin e dokumenteve false. Gjithashtu u sekuestruan edhe dokumente e materiale të ndryshme, të cilat dyshohet se përdoreshin nga ana e te arrestuarve si modele falsifikimi.
