Çelja e sezonit turistik në Lezhë ishte një gërshetim mes bregdetit, kulturës dhe gastronomisë.
Restorantet e shumtë të kësaj zone, nga bregdeti ne zonat rurale, prezantuan risitë e këtij sezoni dhe pjatat e reja për vizitorët e turistët, që do të frekuentojnë këtë verë Lezhën dhe plazhin e Shëngjinit.
Për të ndjekur nga afër hapjen e sezonit turistik në Lezhë ishte kryeministri Edi Rama, ministrja e Turizmit Mirela Kumbaro, por dhe shumë personalitete të tjera.
Në fjalën e saj, ministrja Kumbaro tha se bregdeti i Shëngjinit mbetet oferta më e mirë turistike për këtë edhe këtë sezon.
Të gjithë shefat e kuzhinës të kësaj zone prezantuan gjatë darkës gala kulinarinë e zonës. Një mënyrë kjo për të promovuar Lezhën dhe për ta bërë atë një destinacion të turistëve vendas e të huaj.
