Shërbimet e Komisariatit të Policisë Korçë kanë arrestuar në flagrancë një person që lëvizte me armë të ftohtë me vete.
Shtetasi i arrestuar është me inicialet R.B, banues në fshatin Koritë, i dënuar më parë për veprat penale “Plagosje e rëndë me dashje” dhe “Vjedhje”.
Arrestimi i tij u bë pasi nga informacione të siguruara në rrugë policore, si edhe gjatë kontrollit fizik të ushtruar këtij shtetasi në lagjen nr.9 në Korçë, iu gjet dhe sekuestrua në cilësinë e provës materiale një armë e ftohtë (thikë) të cilën R.B, e posedonte pa leje.
Ai akuzohet për veprën penale “Prodhimi, mbajtja, blerja apo shitja pa leje e armëve të ftohta”.