Foto/ Lëvizte me armë zjarri me vete, arrestohet i riu në kryeqytet

Policia e Tiranës ka arrestuar një 24-vjeçar për armëmbajtje pa leje. Në pranga përfundoi shtetasi me iniciale NJ.K.

Arrestimi i tij u bë e mundur në rrugën “Todi Shkurti” mbërmjen e së hënës. Gjatë kontrollit fizik, të riut i është gjetur një armë zjarri pistoletë dhe një krehër me 6 fishekë, të cilat u sekuestruan në cilësinë e provës materiale.

Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprën penale “Armëmbajtja pa leje”, për të cilën parashikohet dënimi deri në 7 vjet burgim.