Presidenti turk Rexhep Taip Erdoan e ka shpallur zyrtarisht lëvizjen fetare te ish-aleatit te tij Fetullah Gylen me qendër ne SHBA, terroriste. Erdoan paralajmëroi nga Izmiri se po ndiqen te gjithe anëtaret e grupit, qe e akuzon se po përpiqet te rrezoje qeverinë turke. Kjo lëvizje e vendos ate ne nje njëjtën pozicion me militantet kurdë, qe aktualisht luftojnë me ushtrinë turke ne juglindje te vendit. Kjo mund te shihet edhe si nje forme presioni ndaj Uashingtonit per ta ekstraduar Gylen.
“Nuk do te t’i lejojmë ata qe na përçajnë vendin. Ata do te japin llogari. Disa janë larguar, disa jane ne burg dhe po gjykohen. Ky proces do te vazhdoje”.
Prej kohesh, Erdogan qe akuzohet nga kritiket per qëndrimin autoritar, e ka cilësuar Gylenin terrorist. Ai përpiqet te ndale ndikimin e klerikut qe ka ndërtuar nje rrjet shkollash e kompanish ne Turqi, Europe, SHBA, Azi dhe Afrike. Prej me shume se nje dekade Gylen jeton ne SHBA. Mijëra ndjekës te tij qe punojnë ne polici dhe radhët e gjyqësorit kane humbur vendet e punës, ose jane transferuar. Vitin e kaluar qeveria turke punësoi nje firme ligjore ndërkombëtare per te hetuar aktivitetin e lëvizjes “Hyzmeti”.
