Presidentja e Komisionit Evropian, Ursula von der Leyen mori një letër të përbashkët të shkruar nga kryeministri grek Kyriakos Mitsotakis, kancelari austriak Sebastian Kurz, kryeministri çek Andriy Bampis dhe kryeministri danez Mete Fredriksen. Liderët njëzëri kërkojnë që të mos ketë vonesa në miratimet e vaksinave të reja.
Ata ngrejnë shqetësimin se vaksina Johnson & Johnson, sipas një njoftimi nga vetë kompania, do të prodhohet eksluzivisht në SHBA. Sipas tyre, kjo do të thotë se BE do të ketë një pengesë në furnizimin me këtë vaksinë. Prandaj, ata kërkojnë nga Ursula von der Leyen që të nisë negociatat sa më parë.
“Nëse kjo mund të rrezikojë qasjen e BE-së në vaksinën J & J, atëherë ne duhet të punojmë për këtë çështje në kohë për të gjetur një zgjidhje tani e tutje, me synimin për të gjetur zgjidhje me kompaninë për të furnizuar edhe vendet e BE. Duke pasur parasysh rëndësinë e kësaj çështje, ne bëjmë thirrje për dialog në kohë në nivelin më të lartë. Koha është thelbësore. Prandaj, ne duhet të vazhdojmë ritmin e negociatave të kontratës me të gjithë kandidatët e rinj premtues, siç është Novavax.e cila sapo ka njoftuar efikasitet të lartë për vaksinën e saj ose Valneva. Është e rëndësishme të mos humbni kohë në mënyrë që vaksinat të shpërndahen sa më shpejt që të jetë e mundur. Shpresojmë se kjo mund të zbatohet për vaksinat e reja si Johnson & Johnson”, thuhet midis të tjerash në letër.
