Letra për Osmanin/ Biden uron Pavarësinë e Kosovës: Kemi partneritet të palëkundur

Kosova feston nesër 14 vite pavarësi. Presidentja Vjosa Osmani ka marrë urime nga kreu i Shtëpisë së Bardhë, homologu gjerman, si dhe të tjerë liderë botërorë.

Në letrën e tij, presidenti amerikan, Joe Biden thekson partneritetin e palëkundur të SHBA me Kosovën, ndërsa vlerëson progresin që ka bërë vendi në forcimin e demokracisë dhe luftën kundër krimit e korrupsionit.

Presidenti Biden gjithashtu nënvizon se do të mbështesë përpjekjet e Prishtinës zyrtare drejt një marrëveshjeje gjithëpërfshirëse të normalizimit me Serbinë, të përqendruar në njohjen reciproke.