Tirana zyrtare reagon per lëshimin e raketës nga Koreja e Veriut. Ne nje deklarate, Ministria për Europën dhe Punët e Jashtme e Republikës së Shqipërisë, dënoi në termat më të ashpër lëshimin e raketës balistike me rreze të mesme të kryer sot nga Republika Popullore Demokratike e Koresë.
“Kjo shkelje e hapur, e përsëritur, e të drejtës ndërkombëtare dhe e rezolutave të Këshillit të Sigurimit të OKB-së tregon se regjimi koreano-verior është i vendosur të vazhdojë të sfidojë komunitetin ndërkombëtar, duke përshkallëzuar më tej tensionin në rajon dhe kërcënuar në mënyrë serioze sigurinë globale;” shkruhet ne deklaratën e Ministrisë se Jashtme.
Qeveria shqiptare i ka kërkuar Koresë se Veriut të ndalojë menjëherë provokimet dhe të kthehet në tryezën e bisedimeve, si rruga e vetme për një zgjidhje paqësore dhe të qëndrueshme në gadishullin korean.
