Leonardo Di Caproi fiton çmimin e parë Oskar në karrierën e tij si aktori më i mirë protagonist në filmin “The revenant”, pas gjashtë nominimeve. Aktori i njohur 41-vjeçar mori një “Standing ovation” nga kolegët e tij dhe regjisorët, ndërsa iu drejtua skenës për të marrë këtë çmim. Falenderimet e Di Caprios shkuan për regjisorin Inaritu dhe aktorin mbështetës Tom Hardy për lojën në film dhe miqësinë pas kuintave, ndërsa iu bashkua dhe fushatës për mbrojtjen e ambientit. Ai tha se filmi “The Revenant” e bëri atë të kuptojnë lidhjen e njeriut me natyrën. Ndërsa regjisori i kësaj premiere, Alehandro Inaritu mori çmimin e regjisorit më të mirë. Një vlerësim në këtë mbrëmje i shkoi dhe “Spotlight” që u shpall filmi më i mirë. Premiera në fjalë lidhet me hetimin e gazetës “Boston Globe” ndaj skandalit të abuzimeve të klerikëve të Kishës Katolike me fëmijët. Në vlerësimet e tjera, çmimi i aktores më të mirë femër shkoi për Bri Larson me filmin “Room” dhe “Max, Fury Road” qe u vlerësua me gjashte çmime, mes të cilëve ai për dizajnin dhe kostumografinë më të mirë. Filmi më i mirë i shkurtër u shpall “Stuter”, duke lenë pas prodhimin shqiptar “Shok”. Mbrëmja e çmimeve, u parapri nga një seri kritikash per racizëm, pasi mungonin aktoret me ngjyre ne radhët e te nominuarve.
