Ankthi nuk ka marre fund per banoret e Italisë Qendrore, pasi rreth 100 lëkundje te tjera jane regjistruar gjate natës, me e forta me magnitude 4,2 me epiqendër ne zonën e Norcias. Shume njerez e kaluan natën neper qendrat e ngritura per strehimin e tyre, çadra, apo ne automjete. Pjesa me e madhe e banoreve te Norcias nuk kane preferuar te largohen, ndonëse me banesa te dëmtuara apo me friken se ato mund te shemben dhe kane kërkuar qe çadrat te mos çmontohen. Atyre u është premtuar ngritja e tendave kolektive, ku mund te kalojnë natën. Nje pjese e te pastrehëve jane vendosur neper hotele. Forcat e Mbrojtjes Civile njoftuan se u kane ardhur ne ndihme me shume se 15 mije vetëve. Ushqime, veshje dhe batanije po sigurohen per ta. Ndërkaq, shkollat ne kryeqytetin Rome u mbyllen per te verifikuar gjendjen e godinave, por metroja u hap. Tërmeti qe goditi Umbrian, Marchen dhe Lazion te dielën eshte me i forti qe nga viti 1980. Kryeministri Renzi njoftoi mbledhjen e qeverise per te diskutuar mbi masat qe do te merren per rikonstruksionin e ndërtesave te shkatërruara.

 

Leave a Reply

Your email address will not be published. Required fields are marked *