Prokuroria e Lezhës ka përfunduar hetimet dhe ka dërguar nw gjyq çështjen penale që lidhet me ndërtimet pa leje në zonën e Ranës së Hedhun në Shëngjin. Për këtë rast janë marrë të pandehur nëntë persona. Tre ish-drejtues të Agjencisë Shtetërore të Kadastrës në Lezhë, Gentjan Malotaj, Artur Shabaku dhe Admir Maxhani, për veprën penale “shpërdorim detyre”.
Me të njëjtën akuzë do të përballen para Gjykatës edhe dy ish-drejtues të Inspektoratit të Mbrojtjes së Territorit, Kol Malaj dhe Flori Gjini, si dhe polici Martin Ndoka.
Ndërkohë, ndërtuesi Pjetër Tuçi është marrë i pandehur për veprat penale “ndërtim i paligjshëm” dhe “falsifikim i vulave, stampave ose formularëve”.
Nga hetimet e kryera rezulton se në zonën e Ranës së Hedhun është lejuar ndërtimi pa leje i një kompleksi dhe më pas është legalizuar në kundërshtim me ligjin.
