Lehtësohet masa e sigurisë për infermieren që i vodhi 60 mijë lekë pacientit

Infermierja Ronida Hysa do të qëndrojë në arrest shtëpie. Vendimi për ndryshimin e masës së sigurisë u mor këtë të mërkurë nga Gjykata e Apelit, me propozim të prokurores Arta Marku.

Si argument për lehtësimin e masës nga arrest në burg në arrest shtëpiak u dha kujdesja për fëmijën e vogël.

Ronida Hysa është e divorcuar dhe ka një fëmijë 2-vjeçar, për të cilin nuk ka se kush të kujdeset. Infermierja ra në pranga sepse kishte vjedhur 60 mijë lekë pacientit me COVID, të shtruar në spitalin Infektiv.