Qeveria parashikon që brenda këtij sesioni parlamentarë të miratojë nismën për legalizimin e basteve on line.
Zv/ministrja e Financave Vasilika Vjero sqaroi në emisionin E-ZONE se çdo lojtar duhet të ketë një llogari personale, pasi çdo transaksion do të kryhet on line. Ndërsa paraja cash do të jetë e pamundur të përdoret.
“Ne kemi menduar që Posta Shqiptare do të jetë agjenti kryesor, përveç disa të tjerëve, ku lojtarët mund të hapin një llogari ku mund të derdhin shumën e lekëvë që duan të luajnë, njëkohëssht në të njëjtën llogari do të kalojën dhe paratë që do të fitojnë. Jo pa qëllim kemi zgjedhur postën si agjent financiarë, pasi ajo ka pika në të gjithë vendin dhe çdo lojtar do ta ketë më të lehtë për të luajtuar në mënyrë të ligjshme”, u shpreh Vjero
Por formalizimi i këtij tregu shihet me spekticizëm nga ekspertët e fushës. Artan Shyti ish drejtor i Shoqatës së Basteve tha në emisionin E-ZONE se kjo do të jetë një sfidë e qeverisë, pasi e paligjshmja është vështirë të kthehet në të ligjshme.
“Përdorimi i teknologjisë duke shmangur tërësisht cash-in më duket një sfidë e madhe. Çdo të ndodhë me një lojtar i cili kërkon të luajë në një orë të natës por s’ka lekë në llogarinë e tij? Me shumë gjasë ai do të jetë i stimuluar të luajë sërisht në informalitet. Nuk ka pse një shqiptar të trajtohet ndryshe nga një qytetar europian, të cilët luajnë dhe on line, por u jepet mundësia dhe të përdorin paranë cash”, u shpreh Shyti.
Dyshimi më i madh i ekspertëve është se ky ligj nësë miratoht në këtë formë do të jetë i zbatueshëm vetëm në zona urbane dhe qytetet kryesore, ndërsa informaliteti nuk do të vijojë të jetë prezent. Nga ana tjetër, përdorimi i teknlogjisë është rruga me e lehtë për të patur nën kontroll këtë treg.
