Ylber Ramadani ka spikatur këtë sezon në Seria A, edhe pse skuadra e tij Leçe po kalo një gjendje shumë të keqe, dhe aktualisht ndodhet shumë pranë rënies në Seria B.
Leçe ka arritur të grumbullojë vetëm 4 pikë në 8 ndeshjet e fundit, por kjo nuk e ka zbehur aspak performancën e Ylber Ramadanit, i cili duket sikur është gladiatori i vetëm në skuadër.
Në lidhje me situatën delikatë të cilën po kalon klubi është pyetur edhe mesfushori i Kombëtares shqiptare, Ylber Ramadani. I ftuar nga “TR News”, numri 20 i Leçes u shpreh i kënaqur për barazimin por kërkon më shumë agresivitet nga shokët e skuadrës.
“Ishte një ndeshje e vështirë. Ata gjithashtu donin të fitonin sepse luanin përballë publikut të tyre. Më e rëndësishmja ishte që të mos humbnim, morëm një pikë kundër një kundërshtari direkt. Ne trajnohemi mirë, në stërvitje shkon gjithçka në rregull por në fushën e lojës nuk po arrijmë të shënojmë. Krijojmë shumë raste, prandaj duhet që të luajmë më me agresivitet që të mund të shënojmë më shumë, sepse duke shënuar mund të marrim pikët”, -shprehet Ramadani.
Gjithashtu ai u pyet edhe për ndeshjen e radhës kundër Veronës për të cilën shtoi:
“Tani kanë ngelur 11 ndeshje shumë të rëndësishme për ne. Fillojmë të dielën me Veronën. E dimë që është një kundërshtar i fortë prandaj duhet të bëjmë më të mirën. Ata vijnë nga një fitore me Sasuolon por ne do mundohemi që ti mundim“, tha Ramadani.
