Krasta është një ndër vendet më të bukura që ofron Elbasani dhe që frekuentohet masivisht nga qytetarët sidomos gjate pasditeve por mirëmbajtja dhe ndotja e ambientit nga ata të cilët e zgjedhin si vendin për të kaluar orë relaksuese mes gjelbërimit të pyllit me pisha është një problem i vazhdueshë që jo pak herë “zemëron” vizituesit.
Pas 26 viteve jashtë atdheut, Selman Hasa do të rikthehej në qytetin e lindjes për të konstatuar me keqardhje se vendi ku ai ka kaluar një pjesë të fëmijërisë nuk ngjasonte aspak me kujtimet e tij të hershme. Krasta e pastër e disa viteteve më parë nuk ngjasonte me pamjen të cilën Selmani hasi ditën që e vizitoi sërisht. I ndodhur përball kësaj situate ai vendosi të mos qëndronte duarkryq por të bënte dicka për të “cliruar” vendin nga plehrat. Prej disa ditësh ai ka ndërmarrë një nismë personale pastrimi në kodër Krastë.
Por nisma e tij ka ngjallur reagime te ndryshme edhe tek qytetarët që kanë vizituar Krastën gjatë këtyre ditëve. Me keqardhje Selmani tregon se shumë prej tyre jo vetëm që nuk i ofruan ndihme por i direktuan fjalët se kjo është thjeshtë humbjen kohe. Për të gjithë ata që e shijojne dhe njëkohësisht e prishin bukurinë e këtij vendi ai ka një mesazh.
Gjatë këtyre ditëve nisma e tij është përkrahur edhe nga punonjesit e mirëmbajtjes së gjelbërimit në Bashkinë Elbasan. Pas disa ditësh Selman Hasa do te rikthehet në Itali aty ku e pret familja por nisma e tij do të shërbejë si një mesazh i fortë se ambienti është i të gjithëve dhe mirëmbajtja e tij është detyrim i kujtdo që hedh hapa mbi të.
