Një ditë përpara votimit të Hashim Thaçit si President i vendit, Lidhja Demokratike e Kosovës ka njoftuar se deputetet e saj, do të mbështesin kandidaturën e tij në respektim dhe të marrëveshjes mes PDK-se dhe LDK-se. Kete fakt partia e kryeministrit Mustafa, që përfaqësohet në kuvend me 30 deputete, e ka bërë përmes një komunikate për mediat. Votimi për Presidentin e Kosovës, në të cilin krahas Hashim Thaçit kandidon dhe deputeti tjetër i PDK-së, Rafet Rama, do të mbahet në kuvend në oren 11:00. Sipas Kushtetutës së Kosovës, kreu i shtetit votohet me tre raunde. Në dy votimet e parë nevojiten gjithsej 80 vota nga 120 të mundshme. Por këtë kuorum, koalicioni qeverisës, nuk e arrin as me ndihmën e listës serbe, ku në total ata kanë 76 deputete. Hashim Thaçi do të mund të zgjidhet si president vetëm në raundin e tretë, kur nevojiten 61 vota. Por ndërsa partitë në pushtet votojnë për kreun e shtetit, opozita ka thirrur një protestë të madhe popullore para ambienteve te Kuvendit, për të parandaluar atë që e cilësuan si “kapje të shtetit”. Në reagimin e tyre Limaj, Haradinaj e Ymeri thanë se tubimi do të nisë që në orën 10:00, një orë para mbajtjes së seancës së jashtëzakonshme për presidentin.

Leave a Reply

Your email address will not be published. Required fields are marked *