Lazio mundi 1 me 0 Venecian në duelin përmbyllës të javës së 29 të kampionatit Italian, e cila u transmetua në platformën Tring.

 

Bardhekaltrit falë kësaj fitoreje u ngjiten në vendin e pestë të Seria A. Një ndeshje pa shumë emocione dhe thuajse zero raste të pastra në pjesën e parë, pavarësisht se kryeqytetasit patën më shumë iniciativë.

 

Madje në këtë fraksion, skuadra e Sarrit mori edhe një lajm të keq, pasi ndëshkimi me të verdhë i Xakanjit do të bëjë që ai të mungojë në derbin me Romën. Pjesa e dytë nisi me një reagim të bukur të Strakoshës ndaj Cernigoj dhe pikërisht ky lojtar shkaktoi 11-metërsh 6 minuta më vonë në kontaktin me lkuiz Felipen, episod që u konfirmua në sistemin VAR.

 

Ciro Immobile ishte i saktë nga pika e bardhe e penalltise, duke kaluar skuadrën e tij në avantazh.

 

Gol historik për kapitenin, pasi kaloi legjendën Silvio Piola si golashënuesi më i mirë i Lazio-s në kampionatin Italian.

 

Në vazhdim, vetë Immobile dhe Luis Alberto patën shanse për të shënuar edhe golin e sigurisë, por nuk ia dolën dot mbanë.

 

Me këtë fitore, Lazio parakalon Romën dhe Atalantën, por është ende larg zonës Champions me 7 pikë diferencë nga Juventus.

Leave a Reply

Your email address will not be published.