Dy ekipet e Milanos kane pasur nje ecuri te kundërt ne takimet e javës se 3 te kampionatit italian. Milan pasoi humbjen e parë në kampionat, duke marrë një leksion të vërtete futbolli nga Lazio në fushën ë kësaj të fundit. Kryeqytetasit fituan 4 me 1 falë një triplete të papërmbajtshmit Ciro Imobile. Një Milan i përgjumur, i lexueshëm në lojë, i paaftë të ndërtojë aksione te rrezikshme dhe mbi të gjitha shumë i brishte ne prapavijë.
Përjashtimin e vetëm e bëjnë 15 minutat e para ku Kesie dhe Borini patën dy mundësi nga distanca. Më pas nisi malorja. Kesie shkakton një 11-mteresh në të 38 dhe Imobile e kthen në gol, i njëjti lojtar që 4 minuta më vonë shënon një supergol fluturimthi. Starti i pjesës së dytë ishte sërish horror për kuqezinjtë, të cilët brenda dy minutash falë gabimeve trashanike, pësojnë dy gola të tjerë nga Imobiele dhe Luis Alberto. Thjesht për statistike goli i Montolivios në të 56 në portën e Strakoshes që bëri një ndeshje pozitive. Lazio ngjitet e kuotën e 7 pikëve dhe parakalon Milanin që mbetet ne kuotën 6, 3 më pak sesa Juventus dhe Inter.
Zikaltrit ndryshe nga kushërinjtë e tyre, patën një të diele të gëzuar, pasi mundën 2 me 0 në San Siro, skuadrën e Spal. 3 ndeshje, 3 fitore në këtë sezon të ri për Luciano Spaletin që mund të buzëqeshe. Në letër dukej një ndeshje shumë e lehte, por zikalterit kanë djersitur jo pak për të gjetur sidomos golin e parë me anë të sulmuesit Ikardi, falë një 11-metershi të akorduar ndërmjet teknologjisë në minutën e 27 të pjesës së parë.
Në pjesën e dytë për t’u evidentuar një goditje potente nga distanca e Skrinier që u përplas në transferte, ndërsa në fund një supergol i Perisiç mbylli ndeshjen 2 me 0 në favor të Interit që në këtë start sezoni është tepër racional.
