Pas acarimit të marrëdhënieve SHBA-Rusi per shkak te sanksioneve Moska ka zbutur tonet. Gjatë takimit mes ministrit të jashtëm rus, Sergei Lavrov dhe sekretarit të shtetit, Rex Tillerson, që u mbajt në prag të samitit dy ditor në Filipine për gadishullin korean, Lavrov tha se Moska beson se SHBA është e gatshme për vazhdimin e dialogut.
Sipas Lavrov nuk ka asnjë alternativë tjetër përveç bisedimeve për çështjet e ndërlikuara dhe per t’i dhënë fund tensionit mes palëve. Në fillim të takimit, Tillerson dhe Lavrov u panë të buzëqeshur. Megjithatë ata nuk dhane detaje se për çfarë u fol mes përfaqësuesve të dy superfuqive.
Presidenti i SHBA-ve, Donald Trump, në një postim në Tëitter ka shkruar se “marrëdhëniet e Uashingtonit me Moskën janë në nivelin më të ulët të të gjitha kohërave” duke shtuar se kjo është “shumë e rrezikshme”. Dhoma e përfaqësuesve në SHBA votoi pak ditë më parë për vendosjen e sanksioneve të reja ndaj Rusisë për ndërhyrjen e dyshuar në zgjedhjet presidenciale dhe aneksimin e Krimesë në vitin 2014.
