Lapaj shkon në protestë, qytetarët kërkojnë largimin e tij, nisin përplasjet mes tyre

Tensionet vijojnë të jenë të larta jashtë ambienteve të Parlamentit.

Pas përplasjes me policinë, protestuesit janë përplasur edhe me Adriatik Lapajn.

Ky i fundit i është bashkuar tubimit, por nuk është pranuar nga qytetarët, të cilët konfrontohen me të dhe i kërkojnë të largohet.

Thirrjet e qytetarëve kanë qenë jo vetëm ndaj mazhorancës, por edhe opozitës, duke i konsideruar këta të fundit si “të shitur” dhe deputetë që “nuk i përfaqësojnë”.

Ndërkohë që seanca e kësaj të enjte vijon vetëm me praninë e deputetëve të mazhorancës, pasi opozita e bojkotoj me argumentin se në rend dite nuk janë vendosur kërkesat e qytetarëve.

Në seancë nga opozita është vetëm deputeti i Redi Muçi, ndërsa dy deputetët e “Mundësia”, Agron Shehaj dhe Erald Kapri janë të përjashtuar.