Simone Inzaghi dhe Interi kanë mbyllur bashkëpunimin mes tyre. Vendimi është marrë pas takimit të zhvilluar ditën e sotme mes trajnerit dhe drejtuesve të klubit zikaltër ndërsa pritet zyrtarizimi nga palët.
Inzaghi i ka komunikuar klubit dëshirën e tij për t’i dhënë fund karrierës së tij te zikaltrit, edhe pse kontrata e tij skadonte në vitin 2026. E ardhmja e Inzaghit do të jetë te skuadra e Al Hilal në Arabinë Saudite.
Vendimi i trajnerit u vendos nga zhgënjimi i fortë pas 5-0 në finalen e Ligës së Kampionëve, por edhe më shumë nga ndjenja e lodhjes për një cikël të gjatë dhe stresues, i cili përfundoi me një humbje të rëndë.
Aventura arabe për të do të fillojë shumë shpejt teksa do të udhetojë në Miami këtë fundjavë, ku klubi i tij i ri do të debutojë në Kupën e Botës për Klube kundër Real Madridit më 18 qershor.
