Familja Casillas nuk po njeh ditë të qeta.
Pas sulmit në zemër që pësoi portiere Iker Casillas i cili më pas u operua me shpejtësi në spitalin e Portos në Portugali, një tjetër lajm shokues ka rënë mbi këtë familje.
Bashkëshortja e portierit të njohur spanjoll është diagnostikuar me tumor në vezore.
Bukuroshja Sara Carbonero e ka bërë vetë publik lajmin e rëndë duke shkruar në instagram.
“Këtë herë më rastisi mua. Më gjetën një tumor malinj në vezore dhe më operuan. Shkoi gjithcka mirë por duhet të luftojë dhe te trajtohem ende për disa muaj. Kam besim se gjithcka do të shkojë mirë”, u shpreh gazetarja e njohur sportive e ekraneve spanjolle.
Pak ditë më parë partneri I saj, 37 vjecari Iker Casillas pasi u operua në zemër u detyrua ti japë fund futbollit të luajtur për të mos rrezikuar aspak shëndetin e tij.
