Këshilltari presidencial ukrainas, Mykhailo Podolyak ka përshëndetur premtimet e Shteteve të Bashkuara dhe aleatëve të saj për të dërguar më shumë armatime të rënda në Ukrainë pas bisedimeve në një bazë ajrore gjermane.
“Një nga kërkesat e çuditshme të Rusisë në fillimin e luftës ishte “çmilitarizimi i plotë” i Ukrainës. Pas takimit epokal të djeshëm të 40 ministrave të mbrojtjes, kam një lajm të keq për Rusinë. Kapacitet, shpejtësi, logjistikë e thjeshtuar dhe një gamë e zgjeruar armësh, Ukraina po forcohet”, shkroi ai në Twitter.
