I dërguari special i Bashkimit Evropian për Ballkanin Perëndimor, Miroslav Lajçak, nisi sot vizitën e tij dyditore në Beograd, në kuadër të përgatitjeve për takimin e ardhshëm të Aleksandër Vuçiç dhe Albin Kurtit në Ohër.
Fokusi i bisedimeve do të jetë udhërrëfyesi për zbatimin e propozimit europian, për të cilin palët ranë dakord në Bruksel.Para takimit me emisarin evropian presidenti serb Aleksander Vucic deklaroi se nuk e sheh te arsyeshme te thote mw asgje kur sipas tij Kurti nuk e ka ne plan te zbatoj asociacionin.
“Nuk dua të flas shumë para takimit, sot dhe nesër do të jem me të dhe do të përpiqem të punoj, jo për atë që do të ëndërrojmë, por për atë që mund të bëjmë. Nëse dikush nuk dëshiron as të flasë, e lëre më të zbatojë Asociacionin, nuk ka kuptim të them asgjë më shumë se kaq. Sot dhe nesër do të flas me Lajçakun para udhëtimit në Ohër. Unë do të them se si i shoh, gjërat çfarë mendoj për gjithçka dhe çfarë duhet të bëjmë në periudhën e ardhshme.”
Dokumenti prej 11 nenesh, që është bërë publik nga Bashkimi Europian, nuk përmend në mënyrë specifike njohjen e ndërsjellët, për të cilën qeveria e Kosovës ka këmbëngulur se duhet të jetë në qendër të një marrëveshjeje finale.
Megjithatë, në nenin 2 të propozimit thuhet se Serbia dhe Kosova duhet të respektojnë pavarësinë, sovranitetin dhe integritetin territorial të njëra-tjetrës. Plani franko-gjerman po ashtu, përfshin zotimin e palëve për t’i respektuar të gjitha marrëveshjet e arritura, deri më tani.
