Policia italiane ka vënë në pranga një 35-vjeçar shqiptar nën akuzën e trafikut të drogës. Autoritet kanë sekuestruar të ndaluarit 1 kg e gjysmë heroinë e konfeksionuar në dy pako.
Ndërkohë që gjatë kontrollit në banesën e shqiptarit është zbuluar një laborator përpunimi heroine, si dhe janë sekuestruar 1 kg e gjysmë heroinë, 6 kg lëndë përzierje për përgatitjen e dozave të drogës dhe 8 mijë euro cash.
35-vjeçari, emri i të cilit ende nuk bëhet me dije, ishte marrë në hetim që prej muajit qershor, por arrestimi i tij është bërë ditën e sotme.
Mediat italiane raportojnë se trafikanti shqiptar rezulton i martuar në Shqipëri e me qëndrime të shpeshta në qytetin e Milanos. 35-vjeçari i shiste dozat e përgatitura nga vetë ai në një zonë pyjore të Milanos, e frekuentuar nga përdoruesit e drogës.