Edhe pse me vështirësi, Reali i Madridit mbajti vendin e pare edhe pas javës se 9 te kampionatit spanjoll. Ne Santiago Bernabeu skuadra e Zinedin Zidan fitoi 2-1 përballe Atletik Bilbao, duke qëndruar ne krye ne kuotën e 21 pikëve, një me shume se andaluzet e Seviljes. Ne nje përballje qe është cilësuar gjithmonë e vështire, vendasit gjeten ne fakt shpejt rrjetën qe ne minutën e 9 me Karim Benzema. Basket menjëherë ne kundërsulm, ndërsa gjeten golin e barazimit ne minutën e 27 me Sabin Merino. Dy raste te pastra te pashfrytëzuara nga Kristiano Ronaldo ne fundin e pjesës se pare, ndërsa edhe ne te dytën, Kovacic dhe Bale nuk arritën te kalonin edhe nje here ne avantazh skuadrën e tyre. Goli i fitores do te vinte vetëm 7 minuta nga fundi me Alvaro Moraten, i cili ne ditën e tij te lindjes i dhuroi tre pike mjaft te çmuara skuadrës se tij.
Fitore e lehte per Romen ne javën e 9, duke ndare vendin e dyte me Milanin me pike te barabarta 19, dy me pak tashme se kryesuesit e Juventus. Ne Olimpiko skuadra e Spaletit mundi me rezultatin e thelle Palermon 4-1. Takimi u zhbllokua ne minutën e 31 nga Salah, ndërkohe qe me fillimin e pjesës se dyte Paredes dyfishoi shifrat. Ne minutën e 68 radha i erdhi Edin Xheko te linte edhe ai shenje ne ketë ndeshje, ndërsa ne minutën e 82 rezultati përfundimtar u vulos nga El Sharawy. Dy me pare ishte Quaison, i cili kishte shënuar golin e nderit për sicilianet.
Paris Sg nuk shkoi me shume se barazimi 0-0 ne takimin me te rendesishem te Francës, duke u larguar tashme 6 pike nga kryesuesit e Nises. Ne Park De Princ kampionet ne fuqi u ndalen nga Marseja e teknikut te ri Rudi Garcia qe debuton ne krye te marsejezeve me nje pike te rëndësishme ne nje fushe te vështirë. Edhe pse ne nje epërsi te lehte, skuadra e Unai Emeri nuk u shfaq per asnjë çast e rrezikshme, duke u fërshëllyer ne fund nga tifozët e pranishëm ne stadium. Paris Sg përfundon tashme ne vend te trete me dy pike me pak se Monako.
