Në ditën e dytë të protestes për vitin 2019, studentet e disa fakulteteve të Universitetit të Tiranës dhe Bujqësorit janë grumbulluar para kryeministrisë.
Të kondicionuar nga temperaturat e ulëta dhe nga numri jo shumë I madh, të rinjte kanë provuar të gjejnë mënyra të ndryshme për ta bërë të ndjehet protesten e tyre.
Ashtu sikurse të hënën, edhe këtë të martë studentet kanë kycur dyert e disa fakulteteve.
I tillë ishte rasti I Universitetit Bujqësor në Kamëz ku madje ka pasur edhe një debat mes forcave te rendit dhe të rinjve që kanë ndërmarrë këtë akt.
E njejta gjë ka ndodhur edhe tek Politekniku.
Një ditë më parë disa student që goxhduan dyert e Universiteteve janë shoqëruar në komisariat për tu lënë sërish të lirë.
Pavarësisht miratimit të vendimeve nga Këshilli I Ministrave që lidhen kryesisht me kërkesat e tyre, të rinjte nuk duan ta ndalin protesten e tyre dhe kërkojnë anullimin e Ligjit të Arsimit të Lartë.
