KVV: Ecuria e procesit zgjedhor po përballet me sfida të shumta
Koalicioni i Vëzhguesve Vendorë, ka publikuar dokumentin e titulluar “Qendrim Publik”, i cili ka për qëllim të sjellë një fotografi të plotë jo vetëm të ecurisë për përgatitjen e Zgjedhjeve të 18 Qershorit 2017, por edhe të dinamikave institucionale që e paraprinë apo po e shoqërojnë këtë proces.
Koalicioni i Vëzhguesve vendorë thekson se ecuria e procesit zgjedhor për Zgjedhjet e 18 Qershorit, po përballet me sfida të shumta institucionale-ligjore dhe të konfliktualitetit politik duke po rrezikuar vijueshmërinë institucionale të vendit.
Në raport, thuhet se një zhvillim kritik për mbarëvajtjen e procesit zgjedhor është dhe bojkoti parlamentar dhe protesta e vazhdueshme e thirrur nga opozita , qëndrim ky që ka si kusht të vetëm për daljen nga situata krijimin e një qeverie tranzitore të ngarkuar për zhvillimin e zgjedhjeve.
Në këto rrethana, Koalicioni i Vëzhguesve Vendorë i bën thirrje aktorëve politikë të ridimensionojnë, në frymën dialoguese, qëndrimet e tyre ndaj procesit zgjedhor të 18 Qershorit e reformës zgjedhore. Përdorja e të njëjtit kuadër ligjor përcaktoi se Zgjedhjet e 18 Qershorit, edhe një herë do të jenë një test i vullneteve politike apo institucionale dhe nuk do të jenë një mekanizëm ligjor i drejtë që i’u imponohet palëve garuese.
