Kuvendi i thirrur nga ish kryeministri Sali Berisha, cili po mbahet në stadiumin “Air Albania” ka miratuar ndryshimet në statutin e PD.
Me ndryshimet në statutin e PD, do te votohet nga delegatet shkarkimi i Lulzim Bashes si kryetar i partise.
Shkarkimi i Bashës do te kalojë fillimisht përmes një votimi të fshehtë mes 4900 delegatëve të pranishëm në Kuvend.
Po ashtu, përveç Lulzim Bashës, shkarkohen edhe nënkryetarët dhe sekretarët e zgjedhur nga ana e Bashës, Gazmend Bardhi, Grida Duma, Enkelejd Alibeaj.
Mirëpo Belind Këlliçi shkoi më tej teksa njoftoi levizjen e rradhës që ka të bëjë me zhvillimin e referendumit në anëtarësinë e PD në gjithë Shqiperinë, në datën 18 dhjetor.
Referendum i cili do të miratojë ose jo shkarkimin e Lulzim Bashës nga Kuvendi i ditës së sotme. Madje për referendumin e të shtunës së ardhshme jane ngritur komisionet e votimit ne te gjitha deget e PD ne mbare vendin.
Referendumi do të mbahet në datën 18 dhjetor, pikërisht në ditën kur kreu i PD, Lulzim Basha ka thirrur Kuvendin tjetër te PD.
Një konfuzion total me demokrateve aq me teper qe Belind Kellici njoftoi se Kuvendi i Rithemelimit të Partisë Demokratike ka vendosur të anulojë edhe Kuvendin e thirrur më 18 dhjetor nga Basha.
Statuti i ri e bën të pavlefshëm Kuvendin Kombëtar të datës 18 të thërritur nga Lulzim Basha, duke sanksionuar që asnjë vendim tjetër i ndërmarrë pas hyrjes në fuqi të statutit te ri, shfuqizohet automatikisht.
Ndërkohë më 22 Mars, mblidhet përsëri Kuvendi për të zgjedhur strukturat e reja te PD-së.