Kuvendi miraton shtyrjen e reformës zgjedhore

Mazhoranca ka votuar pro shtyrjes së afatit të Komisionit të Posaçëm të Reformës Zgjedhore.

Shtyrja e afatit të Komisionit të reformës Zgjedhore u votua me 75 vota pro dhe 14 vota kundër.

Deputetët e rinj të opozitës votuan kundër shtyrjes së reformës.

Deputetja opozitare Rudina Hajdari në fjalën e mbajtur në Kuvend kërkoi që vendimi për reformën zgjedhore të merrej pas ngritjes së grupeve parlamentare nga ana e opozitës ndërsa e cilësoi si absurd propozimin e bërë prej bashkëkryetarit Damian Gjiknuri.