Kuvendi i Kosovës ka votuar me 67 vota pro dhe 30 kundër qeverinë e re, me kryeministër Albin Kurti. Gjatë fjalës së tij në Parlament, ai prezantoi para deputetëve programin e qeverisë së re, duke theksuar se fokusi do të jete lufta kundër pandemisë, vettingu në drejtësi, si dhe reformat në arsim. Kurti premtoi gjithashtu sigurimin e vaksinave për 60% të popullsisë brenda vitit.
Ai thekosi edhe rëndësinë e dialogut me Serbinë, ku sipas tij, pa njohjen reciproke nuk do të ketë normalizim mes dy vendeve.
Më herët, Glauk Konjufca nga Lëvizja Vetëvendosje u zgjodh kryetar i legjislaturës së re të Kuvendit të Kosovës. Ai do të ushtrojë njëkohësisht edhe detyrën e Presidentit.
