Materialet zgjedhore të qarkut të Beratit do të jenë të parat që do të shqyrtohen në cilësinë e provës zgjedhore nga Komisioni i Ankimimeve dhe Sanksioneve.
Me shumicë votash ky i fundit vendosi të pranojë pjesërisht kërkesën ankimore të Lëvizjes Socialiste për Integrim për të vlerësuar të dhënat e administruara nga Komisioni Qendror i Zgjedhjeve për më shumë se 20 qendra votimi në qarkun e Beratit.
ELVIS ÇEFA
RELATOR I KERKESES ANKIMORE, ANETAR I KAS
Marrjen kryesisht në cilësinë e provës të materialit zgjedhor që gjendjet në kuti.
Pretendimi i LSI-së është se në këto qendra votimi janë rregjistruar parregullsi, si identifikimi i një numri më të madh fletësh votimi se i zgjedhësve apo mungesa e regjistrit të zgjedhësve për të vërtetuar nëse janë votues të asaj qendre apo të një tjetre. Sipas provave që zotëron LSI, ato çuan në tjetërsimin e vullnetit politik të zgjedhësve për qarkun e Beratit.
Për secilën qendër votimi, pesë anëtarët e KAS do të shqyrtojnë provat si listën e zgjedhësve, kuponat e gjeneruar nga zgjedhësit nga pajisja e identifikimit elektronik, tabelat përmbledhëse për votën e dhënë për subjektet politike dhe kandidatët për deputetë apo çdo raport tjetër mbi ecurinë e procesit zgjedhor.
Shqyrtimi i të dhënave në cilësinë e provës zgjedhore pritet të kryhet të Hënën pasi KAS –it t’i dorëzohet e gjithë baza materiale nga KQZ. Pas vlerësimit të tyre dhe nëse do të vërtetohen pretendimet e LSI-së, KAS pritet të marrë një vendim të dytë, që me gjasë do të shkohet drejt hapjes së kutive të votimit dhe rinumërim të vullnetit politik për qarkun e Beratit.
Për të dytën herë pas Gjirokastrës, KAS, refuzoi kërkesën e Partisë Demokratike për të marrë prova shtese nga institucionet shtetërore dhe vendore mbi vjedhjen e votës dhe tjetërsimin e vullnetit politik.
IVI KASO
PERFAQESUESI LIGJOR I PD NE KQZ
Partia Demokratike u është drejtuar zyrtarisht institucioneve për t’i kërkuar këto prova, por provat të cilat demaskojnë sjelljen e paligjshme dhe tërësisht të vënë në shërbim të partisë në pushtet, të gjithë institucionet e shtetit shqiptar, sigurisht ato nuk janë vënë dhe nuk besoj se do t’i vihen ndonjëherë në dispozicion opozitës. Kjo vendimmarrje konstante për të mos administruar provat që ne kërkojmë shkon në drejtim të kundërt të transparencës të procesit zgjedhor.
E vetmja kërkesë e demokratëve e pranuar nga KAS dhe konkretisht nga dy anëtarët e saj, Ledio Braho dhe Elvis Çefa ishte sigurimi i të dhënave nga pajisjet e identifikimit elektronik për të parë nëse në qarkun e Beratit janë rregjistruar raste të votimit të dyfishtë apo familjar.
