Ministrja e Infrastrukturës dhe Energjisë, Belinda Balluku, ka njoftuar se për shkak të motit të keq në Detin Adriatik, janë anuluar të gjitha lundrimet e ditës së sotme në linjat Durrës–Bari dhe Bari–Durrës.
Sipas njoftimit zyrtar nga Autoriteti Portual Durrës, vendimi është marrë për të garantuar sigurinë e pasagjerëve dhe të ekuipazheve për shkak të dallgëzimit të lartë dhe kushteve të pafavorshme detare.
Ndërkohë, trageti i linjës Ankona–Durrës do të nisë sipas orarit të planifikuar pasditen e sotme nga Ankona, me parashikim për të mbërritur në portin e Durrësit ditën e nesërme.
Autoriteti portual ka theksuar se do të vijojë të informojë qytetarët dhe udhëtarët në kohë reale për çdo ndryshim në oraret e nisjeve apo mbërritjeve. Udhëtarëve u bëhet thirrje të qëndrojnë të informuar përmes kanaleve zyrtare për të shmangur konfuzionin.
/vizionplus.tv
