Kushner: Hetimet për përfshirjen ruse dëmtuan demokracinë në SHBA
Këshilltari i Shtëpisë së Bardhë, Jared Kushner ka theksuar se hetimet për ndërhyrjen ruse në zgjedhjet e vitit 2016 në SHBA më shumë “kanë ndikuar në demokracinë amerikane” sesa vetë veprimet e Rusisë.
Gjithashtu në fjalën e tij Krushner ka minimizuar përfshirjen ruse në zgjedhje duke e përshkruar atë si “blerje të disa reklamave në Facebook” si dhe përpjekje për të “mbjellur mospajtime”.
Deklaratat e Kushnerit bëhen disa ditë pas publikimit të versionit të redaktuar të raportit të këshilltarit special Robert Mueller mbi përpjekjet e Rusisë për të ndërhyrë në zgjedhjet presidenciale amerikanë në vitin 2016.
Këshilltari i Shtëpisë së Bardhë, Jared Kushner tha se ekipi i fushatës së presidentit Trump “nuk ishte në dijeni për veprimet e Rusisë”. Sipas tij ishte raporti që detajoi shumë kontakte ruse me fushatën Trump, shumë prej të cilëve u raportuan nga media gjatë dy viteve të fundit.
