Ministrja e Arsimit, Sportit dhe Rinisë, Evis Kushi ka marrë pjesë sot në prezantimin e projektit Kampionati Kombëtar i Debatit.
Në publikimin e saj, ajo nënvizon se “Në fokus të këtij projekti, i kthyer tashmë në traditë, është zhvillimi i mendimit kritik dhe vlerave të qytetarisë aktive”.
Sipas ministres, përvoja të tilla për nxënësit kontribuojnë drejtpërdrejt në formësimin e kulturës së debatit dhe zhvillimin e shëndetshëm të shoqërisë sonë.
Projekti në fjalë organizohet në shkollat e mesme të 61 bashkive në vend falë një bashkëpunimi të frytshëm mes Ministrisë së Arsimit, Sportit dhe Rinisë, LIBURNETIK Organisation dhe partnerëve të tjerë.
