Dj Khaled arriti të thyejë çdo rekord të mundshëm me bashkëpunimin e fundit me Justin Bieber, Quavo, Chance TheRapper, dhe Lil Wayne. Dj me famë globale, u prezantua me një klip të ri gjatë fundjavës. Kënga titullohet “Im The one” dhe është shpallur video më e klikuar në botë, këto 3 ditë, me mbi 25 milionë shikues e dëgjues.
DJ Kygo, pas bashkëpunimit me Selena Gomez për “It Aint Me”, goditi në shenjë me një tjetër projekt të kthyer në hit. Tashmë ai bashkëpunoi me Ellie Goulding. Jemi akoma në pritje të versionin video, sepse për momentin në YouTube gjendet vetëm audio. “First Time”, është klikuar mbi 4 milionë e gjysmë herë.
E treta në listë ndodhet këngëtarja Katy Perry, e cila po ashtu vjen me një bashkëpunim pranë Migos. Kënga titullohet “Bon Appetit”. Gjendet vetëm në versionin audio, por tërheqëse është ideja e videos, ku këngëtarja do te zbuloje dhe modelin e ri të flokëve. Deri tani “Bon Appetit”, një projekt me tinguj tepër të gëzueshëm, numëron mbi 3 milione e gjysmë klikime.
Dhe në përfundim, por jo më pak i rëndësishëm MGK. Ai prezantohet solo tani. Kënga e fundit titullohet “Let U Go”, dhe ndodhet vetëm në versionin audio. Singëlli është klikuar mbi 700 mijë herë.
