Një ngjarje e pazakontë dhe tronditëse është regjistruar gjatë një ceremonie mortore në Meksikë, ku dy gra janë përfshirë në një konflikt të ashpër pranë arkivolit të një burri të ndjerë, duke pretenduar secila se ishte partnerja e tij gjatë jetës.
Sipas pamjeve që po qarkullojnë në rrjet, përplasja nisi kur njëra prej grave iu afrua arkivolit dhe u shpreh: “Dashuria ime, do të më mungosh”. Kjo deklaratë ka shkaktuar reagimin e menjëhershëm të një gruaje tjetër, e cila u ngrit dhe e pyeti me tone të ashpra: “Kush je ti?”.
Situata u tensionua edhe më shumë kur gruaja e parë pranoi se kishte pasur një lidhje me të ndjerin. Debati verbal u kthye shpejt në përplasje fizike, me dy gratë që thuajse arritën të hapnin arkivolin gjatë konfliktit.
Të pranishmit në ceremoni u detyruan të ndërhyjnë për të ndarë palët dhe për të rikthyer qetësinë në një moment që duhej të ishte i përkushtuar për lamtumirën e fundit.
Ngjarja ka bërë xhiron e rrjeteve sociale, duke shkaktuar reagime të shumta për natyrën e pazakontë dhe dramatike të incidentit.
/vizionplus.tv
