Policia ka finalizuar me sukses operacionin “Kompleksi” që u zhvillua këtë të shtunë tek Komuna e Parisit në kryeqytet, duke arrestuar personin e shumëkërkuar.
Personi arrestuar është Barush Bregu, 33 vjeç, lindur në Shkodër.
Bregu, sipas policisë, është dënuar në vitin 2016 me 4 vite burg për kultivim të bimëve narkotike, Ndaj tij po ashtu është dhënë dhe masa e sigurisë “Arrest me burg”, për armëmbajtje pa leje, pasi në shtator të vitit 2018, gjatë një operacioni të zhvilluar nga Policia, në banesën e Bregasit u gjet një armë zjarri kallashnikov dhe municion luftarak.
Po ashtu 38 vjeçari është i skeduar si pjesëtar i një grupi kriminal dhe është i dyshuar edhe si autor për ngjarje të tjera të rënda kriminale të ndodhura në qarkun Shkodër më pare.
38 vjeçari kishte marrë me qera një banesë në Komunën e Parisit ku dhe u arrestua. Operacioni për kapjen e tij u bë në llogari të policisë së Shkodrës ndërsa bëhet me dije se po ashtu se në pranga ka rënë dhe një 21 vjeçar me inicialet B.Ç..
21 vjeçari akuzohet për veprën penale “Përkrahja e autorit të krimit”.
