Kryetari i Vetëvendosjes, Albin Kurti, në një takim me ambasadorin e Shqipërisë në Kosovë, Qemal Minxhozi, ka kërkuar mbështetjen e Tiranës për të dalë kundër idesë së presidentit Hashim Thaçi për shkëmbim territoresh.
Në deklaratën e Vetëvendosjes theksohet se Kurti ka kërkuar nga Minxhozi që Tirana të dalë me një qëndrim kundër idesë së Thaçit për shkëmbim të tërritoreve.
“Në takim u theksua nevoja që Tirana zyrtare të shprehet hapur kundër manovrave manipulative që po ndërmerr Hashim Thaçi, të cilat rrezikojnë të copëtojnë dhe degradojnë shtetin e Kosovës, me pasoja për gjithë kombin shqiptar, dhe në shpërputhje me vullnetin e popullit dhe të shumicës shqiptare të deputetëve në Kuvendin e Kosovës”.
