Lideri i Vetëvendosjes Albin Kurti ka prezantuar “Alternativën e Lëvizjes me katër hapa për bisedimet me Serbinë”.
Përmes një konference për mediat Kurti ka theksuar se hapi i parë që ai ka dhënë është se duhet bërë shqyrtimi i dialogut Kosovë-Serbi dhe arritjet e tij.
Ai ka përmendur platformën me parime për dialogun me Serbinë, si dhe ka thënë se bisedimet nuk duhet të jenë një skenar, kurse ekipi negociator duhet të jetë me legjitimitet nga Kuvendi.Kurti u ka bërë thirrje AAK-së dhe Nismës që mos të bëjnë pjesë në ekip negociator, në mënyrë që Presidenti Hashim Thaçi të mbetet i vetëm.
Ndër të tjera i pari i Vetëvendosjes tha se rrugës drejt azilit politik në Rusi, do të jetë edhe Hashim Thaçi. Këtë deklarim Kurti e ka bërë duke pasur për referencë takimin që Thaçi zhvilloi së fundi në Paris me presidentin rus, Vladimir Putin.