Kryeministri i Kosovës, Albin Kurti ka deklaruar se rruga për zhvillimin ekonomik në rajon do të hapet vetëm nëse luftohet korrupsioni dhe kriminelët.
“Kahja jonë si shqiptarë është Perëndimi, aleatët tanë janë SHBA dhe BE, aspirata jonë legjitime është barazia me popujt e tjerë të Ballkanit dhe bashkimi paqësor e demokratik kombëtar”, shkruan Kurti në mesazhin e tij.
Kreu i ekzekutivit kosovar shton se rajoni fiton siguri dhe stabilitet afatgjatë vetëm nga dënimi dhe izolimi i kriminelëve dhe askush nga politikanët shqiptarë nuk duhet të bashkëpunojë me krimin.
Më tej, Albin Kurti shprehet se partnerët e mëdhenj të Kosovës janë më të vendosur se kurrë për të ndihmuar kundër ndikimeve negative ruso-kineze në rajon.
