Kreu i Lëvizjes Vetëvendosje, Albin Kurti këtë të mërkurë është shprehur se shpreson që në mbledhjen e sotme, Këshilli i Përgjithshëm i LDK-së do të betonohet më shumë apo do të ketë një vendim në lidhje me marrëveshjen për koalicion.
Ndër të tjera Kurti është shprehur se gjatë kësaj jave mund të ketë një takim me Mustafën, mirëpo, shton se nuk do që të ndërhyjë të LDK-ja.
“Unë me siguri që kam besuar se duhet të ketë takim këtë javë, mirëpo, nuk dua që të ndërhy te LDK’ja e cila mësova se ka thirrur nëj mblehje të këshillit të përgjithshëm si organi më i lartë, ne në VV besojmë se thirrja e këshillit në subjektin tonë duhet të mbahet pas marrëveshjes, jo para marrëveshjes”.
Kurti po thotë se partia e tij do të mbajë mbledhjen e Këshillit të Përgjithshëm pas marrëveshjes.
“VV do ta mbaj mbledhjen e këshllit pas marrveshjes, ngelet të shihet sot pasdite, se a është thirrur kjo mbledhje për t’i betuar qëndrimet, apo për ta mundësuar marrëveshjen, besoj se duhet të ketë takime, mirëpo, nuk mund të ketë takime, përderisa thirren organet më të larta të subjektti. Besoj shpresoj uroj që ashtu qysh ka vendosur populli, ta kemi një qeveri të re nga opozita e deri djeshme që ta ç’kapim shtetin”.
