Kurti: Po punojmë për marrëveshjen! Kreu i Vetëvendosjes: Duam zgjidhje dhe jo zgjedhje

Kryeministri në detyrë, Albin Kurti, ka thënë se bisedimet për arritjen e një marrëveshjeje politike do të vazhdojnë, me qëllim shmangien e zgjedhjeve të reja.

Kreu i Lëvizjes Vetëvendosje theksoi  se është në komunikim me liderët politikë dhe se synimi është zgjidhja ngërçit institucional.

“Jemi në komunikim edhe do të përpiqemi për çdo ditë që ta arrijmë marrëveshjen politike në mënyrë që t’i shmangim zgjedhjet e panevojshme, të paarsyeshme, sepse ato vetëm sa do të përsëriten. Pra u bëj thirrje edhe një herë liderëve të partive të tjera që të diskutojmë e të merremi vesh, sepse qytetarët e Republikës së Kosovës nuk duan zgjedhje, duan zgjidhje. E zgjidhja është marrëveshja politike”, tha Kurti. 

Të shtunën senca kontituive u ndërpre ndërsa nuk ka një afat për vazhdimin e saj.

Kjo pasi kreu i VV-së, Albin Kurti kërkoi kohë shtesë për propozimin e kanidatit  për kryeparlamentar. Ai tha se kjo kërkesë vjen pasi s’ka ende marrëveshje politike. Në zgjedhjet e 7 qershorit Vetevendosje mori 53 deputetë, PDK- 22 të tillë, LDK- 18 mandate dhe  AAK  7 deputete.