Nje grup militantësh kurd i njohur si TAK mori përsipër sulmin e përgjakshëm, qe tronditi Ankarane pak dite me pare e ku gjeten vdekjen 37 persona. Dyshimet e qeverise per autorësinë e sulmit ku u përfshi edhe nje kamikaze femër, pjese e nje grupi kurd, u konfirmuan përmes nje deklarate ne internet, ku militantet sqaruan edhe motivin e kesaj tragjedie. Shpërthimi i autobombës ne nje zone te populluar prane nje stacioni autobusi ishte hakmarrje per operacionet ushtarake ne zonat kurde ne juglindje te vendit, megjithëse synimi ishte vrasja e forcave te sigurisë dhe jo e civileve. TAK është nje dege e partise se Punëtoreve te Kurdistanit, e shpallur e jashtëligjshme nga autoritetet turke, qe ka marre pergjegjesine edhe per nje tjeter sulm me bombe ne kryeqytet muajin e kaluar. Militantet kane paralajmëruar per te tjera sulme, ku sipas tyre viktimat ne radhët e civileve do te jene te pashmangshme. E ndersa ngjarje te tilla te renda ne Turqi jane shtuar, nje kercenim i paspecifikuar per nje sulm te mundshëm terrorist, ka detyruar autoritetet gjermane te mbyllin per nje kohe te pacaktuar ambasadën ne Ankara, konsullatën ne Stamboll dhe nje shkolle gjermane ne kete qytet. Ambasada ka këshilluar shtetasit e saj qe te qëndrojnë larg zonave, ku gjendet keto ndërtesa. Ministri i Jashtëm Frank-Walter Steinmeier deklaroi se vendimi është marre per arsye sigurie pas kërcënimit ndaj përfaqësive diplomatike gjermane ne Turqi.
