Një 45-vjeçar në Laç ka humbur jetën gjatë punës. 45-vjeçari po punonte në një servis makinash ku dyshohet se e ka zënë poshtë një kamion. Si pasojë e plagëve të marra nga aksidenti, 45-vjeçari ka ndërruar jetë.
“Në një servis automjetesh në fshatin Laç, Kurbin, shtetasi A. M. 45 vjeç, mekanik në këtë servis, duke punuar në një mjet kamion, dyshohet se aksidentalisht kamioni e ka zënë poshtë dhe për pasojë shtetasi A.M, ka ndërruar jetë”, thuhet në njoftim.
Grupi hetimor vazhdon veprimet hetimore në vendin e ngjarjes për sqarimin e plotë të rrethanave të ngjarjes.
