Chrissy Teigen, duket se ja ka nxirë jetën Presidentit të SHBA, Donald Trump me komentet negative në profilin e tij në Twitter, aq sa ky i fundit është detyruar ta bëjë bllok modelen bukuroshe.
Teigen e ka shprehur antipatinë e saj ndaj Trump rreth 9 vite më parë, antipati e cila është shtuar edhe më shumë me bërjen e tij president i SHBA.
Kreu i Shtëpisë së Bardhë është mjaft aktiv në Twitter, madje ai e ka cilësuar këtë rrjet social si median e tij, ku mund të thotë gjithmonë atë që mendon pa filtra. Së fundmi ai kishte shkruar se “Republikanët nuk e mbështesin shumë presidentin”, por duket se komenti i modeles ku shkruante “Askush nuk të ka qejf ty” ka qenë kulmi, aq sa për t’i bërë block.
Këtë gjë bashkëshortja e John Legend e ka marrë si një triumf për të, pasi sigurisht është një tregues që Trump (ose stafi i tij) i ka parë të gjitha komentet e saj negativedhe është bezdisur shumë nga ato.
“Pas 9 vitesh që urrej Donald Trump komenti ‘Askush nuk të ka qejf ty’ ishte kulmi”, shkruan modelja.
